Is-sharada sóz sóılegen Ulttyq ekonomıka vıse-mınıstri Mádına Júnisbekova 2017 jylǵy baǵalaý qorytyndysy boıynsha Qazaqstan 137 eldiń ishinde 57-orynnan tabylǵanyn málimdedi. Vıse-mınıstr bıyl elimiz 12 satyǵa kóterilip, 45-orynnan kórinýdi josparlap otyrǵanyn jetkizdi.
Jalpy, Jahandyq básekege qabilettilik ındeksin kóterý – Úkimettiń ekonomıkalyq saıasatynyń basym baǵytynyń biri. Ony arttyrý úshin Úkimet bıznes qoǵamdastyqpen aýqymdy jumys istep keledi.
«Sońǵy jyldarda bizdiń tarapymyzdan memlekettik organdardyń baqylaý-qadaǵalaý fýnksııalaryna keńinen tekserý júrgizilip, onyń barysynda bızneske ákimshilik kedergiler men retteýshilik júktemeler sany edáýir azaıtyldy. Kórsetiletin memlekettik qyzmetterdi sıfrlan-
dyrý júzege asyryldy», dedi M.Júnisbekova.
Vıse-mınıstrdiń aıtýynsha, jeke sektorda korporatıvtik basqarý qaǵıdalary engiziledi jáne baqylaýshy organdardyń táýekelderdi basqarý júıesine bekitilgen korporatıvtik basqarý reıtıngi jasalady.
Bıyl respýblıkalyq mańyzdaǵy 4,2 shaqyrymdyq avtojol salý jáne 2 myń shaqyrymdyq joldy jóndeý josparlanǵan. Sondaı-aq jergilikti joldar da nazardan tys qalmaıdy. Jyl saıyn osyndaı 5 myń shaqyrym jol jóndelip otyrmaq. Bıznes júrgizýge qajetti memlekettik qyzmet kórsetý «bir tereze» qaǵıdaty boıynsha usynylady.
Sonymen qatar bıyl jańa Salyq kodeksi qabyldandy. Onyń maqsaty – salyqtyń ákimshilendirý rásimderin jeńildetý. 2017 jyly makroekonomıkalyq
ahýal jaqsardy. Ortasha jyldyq ınflıasııa 7,1 prosentke deıin tómendedi. Bıýdjet tapshylyǵy da aıtarlyqtaı azaıǵan.
Abaı ASANKELDIULY,
«Egemen Qazaqstan»
